Azərbaycan informasiya sistemlərinin mühafizəsini ilbəil yaxşılaşdırır.
Bunu cümə axşamı Azərbaycan Respublikası Rəqəmsal İnkişaf və Nəqliyyat Nazirliyinin tabeliyində İnnovasiyalar və Rəqəmsal İnkişaf Agentliyinin sədrinin müşaviri Şahin Əliyev “Biznesin rəqəmsal gələcəyi və kibertəhlükələrdən mühafizə” mövzusunda konfransda deyib.
Onun sözlərinə görə, son illər ərzində Azərbaycan beynəlxalq reytinqlərdə öz mövqelərini möhkəmləndirib.
"Bunun üçün ölkədə böyük işlər görülüb və informasiya təhlükəsizliyinin gücləndirilməsi üzrə fəaliyyət davam etdirilir. Rəqəmsal İnkişaf və Nəqliyyat Nazirliyi tərəfindən digər strukturlarla birlikdə Azərbaycanın kibertəhlükəsizlik strategiyası hazırlanıb. Strategiyanın bu il qəbul olunacağını gözləyirik, bu bizim daha böyük uğurlar qazanmağımıza imkan yaradacaq", - o deyib.
